Трофејниот тренер се враќа на клупата на Шкендија. Се е подготвено за камбек на Ќатип Османи на кормилото на тетовскиот тим.
По распадот на Ренова, заминувањето на сите професионални фудбалери, па дури и неизвесност дали ќе продолжи да настапува во елитата, веќе нема зошто и Ќатип Османи да остане во Ренова. Тоа ќе го искористи Шкендија и ќе го врати во своите редови.
Тетовскиот клуб ги почна подготовките со Артим Шаќири, кој треба да биде спортски директор, но досега не успеа да најде вистинска личност за клупата. Сега се отвора одлична шанса и Ќатип Османи многу брзо ќе биде промовиран како шеф на стручниот штаб на Шкендија.
