Што се случува во второлигашот Беса? Кој го спречува семејството Таири да инвестира во клубот?
Екипата на Беса од Гостивар Добри Дол на почетокот на минатата сезона беше една од најшармантните екипи во Втората лига Запад. Клуб исполнет со еуфорија, со силен спонзор, со млади и талентирани играчи, со амбициозен тренер, се мислеше дека тимoт може да достигне и до врвот во второлигашката конкуренција.
Такви беа и амбициите на сопственикот на клубот Мухамед Таири и неговите синови Зајдин и Елхам кои дадоа се од себе само за да ја гледаат Беса подобра и подобра.
Сепак, амбициите понекогаш не се реализираат и Беса во текот на минатата сезона имаше подеми и падови, но важно е што на крајот од првенството успеа да обезбеди опстанок.
И, сега наместо да започне нова организација, во Беса владее голем молк?! На официјалната страна на клубот на социјалната мрежа Фејсбук одамна нема вести за новини во тимот ?!
Клубот не ја заслужува оваа ситуација. Ниту господинот Зејадини, ниту господата како Мухамед и Елхам Тахири, кои го вложија својот капитал за доброто на селото и за промоција на фудбалот, не го заслужуваат тоа, а нивната визија е уште поголема.
Ако некој клуб има луѓе ентузијасти со голем придонес во спортот, тогаш тоа е Беса и клубот треба да ги чува како очите на лицето.
Време e клубот да се опорави, бидејќи сите очекуваат силна Беса во Втората лига.
Р. И.
