Второлигашот Тиквеш се надева дека по една и пол деценија конечно ќе се врати во прволигашкото друштво. Последна пречка за кавадарчани е тимот на Силекс, кој како осмопласиран во елитата мора да игра дополнителен бараж за да го сочува местото меѓу најдобрите во македонскиот фудбал. И двете екипи најавуваат победа, а ќе имаат и свои навивачи во Скопје во обидот да ја остварат целта.
„Одиме јако и чесно, да се вратиме во елитата“, велат од Тиквеш.
Кратовци имаат поголемо искуство во баражите и досега стоптоцентен ефект на ваквите мечеви низ историјата. Но, тоа нема да им биде премногу од корист на денешната пресметка.
„Тиквеш е квалитетен состав, со искусни фудбалери со кои и јас своевремено играв во прволигашката конкуренција. Подготвени сме за предизвикот и веруваме дека ние ќе се радуваме на крајот“, вели Горан Симов, тренерот на Силекс.
Бараж мечот за пополнување на местото во Првата лига ќе се одигра денеска, со почеток во 16.30 часот, на стадионот во Ѓорче Петров.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski