Фудбалерите на Македонија ЃП денеска ги стартуваа летните подготовки. На својот стадион, тимот на Муарем Бајрами ќе работи до 19 јуни, потоа се сели на седумдневни подготовки во Маврово, а следните две седмици ќе ги реализира во бугарскиот туристички центар Банско, каде ќе одигра и неколку пријателски натпревари.
Македонија ЃП ја очекуваат настапи во Конференциската лига на УЕФА, откако успеа да го освои националниот Куп.
