Гостивар го доведе и Стојан Стојчевски

Македонскиот второлигаш Гостивар продолжува со ангажманот на засилувања за следната сезона. Трето ново име е Стојан Стојчевски, кој доаѓа од редовите на Силекс.

29-годишниот дефанзивец беше еден од столбовите во тимот на Силекс кој избори пласман во елитата, а играше и во финалето на Купот на Македонија.

Покрај за Силекс, Стојан Стојчевски играше и за Македонија ЃП, Борец, Брегалница, Работнички, Академија Пандев, Тетекс, Вардар, Љубанци, Хоризонт Турново и за Скопје.

Претходно, Гостивар потпиша и со Емран Рамадани и со Бурхан Мустафа.