Левиот бек на Вардар, Жуниор Реис Родригез заминува од редовите на најтрофејниот македонски клуб и се сели во белградски Партизан.
Како што пренесуваат српските медиуми, Реис Жуниор веќе се договорил со „црно-белите“ за преселба во Белград, откако претходно си доби раскин на договорот со Вардар поради неисплатени плати.
Реис Жуниор е само „прва ластовичка“ во најавите за заминувања од Вардар кој е доведен во повеќе од очајна ситуација со недобивањето на лиценца за Европа и забраната од ФИФА за трансфери во два преодни рока поради „случајот Максимов“. „Вардарци“ немаат добиено плата речиси девет месеци.
Вардар на крајот од сезонава остана и без Хуан Фелипе, Кларенс Битанг и Влијан Лира, а Реис Жуниор, кој во јануари пристигна од Македонија ЃП, е првиот кој пронаоѓа нов клуб. Заминување се најавува и за најталентираниот млад фудбалер во клубот, Али Адем.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski