Фудбалската репрезентација на Македонија на 2 јуни ќе гостува во Разград и ќе се сретне против Бугарија во првото коло од новото издание во Лигата на нации. Бугарите се мотивирани и најавуваат победа.
Младиот Филип Крастев, кој е во сопственост на Манчестер Сити, а игра за Левски, вели дека Македонија не е селекција која треба да предизвика страв.
„Имаме квалитет и сила за да ги победиме првите два меча во Лигата на нации. Ние не треба да се плашиме од селекции како Македонија или Грузија. Се надевам дека ќе бидеме многу подобри во овој нов циклус и дека ќе ја вратиме славата на Бугарија“, изјави Крастев.
