Француската мегаѕвезда Килијан Мбапе ја тресе европската фудбалска јавност која ја очекува неговата одлука каде ќе ја продолжи кариерата.
Во игра се две опции, останување во ПСЖ и потпис на нов договор или преселба во Реал Мадрид. Иако изгледаше дека Мбапе е поблиску до трансфер во Мадрид, сепак, се уште има голема неизвесност.
Мајката на Мбапе излезе во јавноста со изјава дека ПСЖ и Реал Мадрид имаат речиси идентични понуди.
„Двете понуди се речиси идентични, а Килијан ќе одлучи каде ќе продолжи“, изјави неговата мајка.
Утре Мбапе ќе го одигра последниот натпревар за ПСЖ, а според најавите одлуката за иднината би можел да ја соопшти в недела.
