Германскиот бундеслигаш Борусија Дортмунд ја прекина соработката со досегашниот тренер Марко Росе, кој заминува од клубот по разочарувачките резултати оваа сезона.
„Борусија Дортмунд и тренерот Марко Росе ја завршуваат својата соработка. По интензивната анализа на сезоната, во која беа вклучени Росе, Ваке, Цорк, Кел и Замер, клубот одлучи да продолжи напред и му посака успех на Марко Росе во неговиот следен потфат“, се вели во соопштението на клубот.
Марко Росе пред една година пристигна на клупата на „милионерите“ од Борусија Менхенгладбах. Тој ги предводеше „милионерите“ до второто место во шампионатот, но имаше разочарувачки резултати во другите натпреварувања.
Борусија Дортмунд беше елиминирана во групната фаза од Лигата на шампионите и го продолжи учеството во Лигата на Европа, каде исто така доживеа брза елиминација во 1/16 – финалето од Глазгов Ренџерс.
Во Купот на Германија, тимот беше елиминиран од второлигашот Сент Паули во осминафиналната фаза.
