Интер подготвува нов договор на својот дефанзивец Милан Шкриниар, со цел да го спречи неговиот трансфер во Премиер – лигата, каде за него се заинтересирани Манчестер Јунајтед, Челси и Тотенхем, пишува „Газета дело Спорт“.
Актуелниот договор на Шкриниар истекува следната година. 27-годишниот Словак моментно заработува 3,5 милиони евра по сезона, а „нероаѕурите“ планираат да му ја зголемат платата на 4,5 милиони – плус бонуси, по што таа ќе се зголеми до 5 милиони евра.
Новиот договор би имал важност до летото 2027 година. Дефанзивецот е меѓу најважните играчи за тренерот Симоне Инзаги со своите 47 натпревари и четири гола сезонава, а покрај одличните настапи на теренот, тој импресионира и со своите лидерски квалитети во соблекувалната на тимот.
