Силекс и Македонија Ѓорче Петров се подготвени за утрешниот финален натпревар во Купот на Македонија. Своите очекувања ги дадоа тренерите Горазд Михајлов и Муарем Бајрами, како и капитените Даниел Божиновски и Ермедин Адем.
“Ние сме актуелни победници на Купот и секако дека ќе настојуваме да го задржиме кај нас. Македонија ЃП е квалитетен прволигаш, искусен тим, а ние сепак имавме поинаков пат”, изјави Горазд Михајлов, тренерот на Силекс.
Шефот на стручниот штаб на ѓорчепетровци Муарем Бајрами истакна дека тимот е подготвен за да го врати трофејот во Ѓорче Петров по подолг период.
“Нема фаворити на вакви финални мечеви. Силекс е второлигаш, но буквално се прошета во таа конкуренција, па воопшто не се залажуваме дека ќе биде лесно. Го анализиравме противникот, веруваме во сопствените квалитети и се надеваме дека ќе го донесеме трофејот во Ѓорче”, изјави Муарем Бајрами.
Капитените Даниел Божиновски и Ермедин Адем веруваат во своите тимови и очекуваат триумф на утрешната пресметка.
„Не’ очекува голем натпревар. Цела сезона се бориме за вакви натпревари и сакаме да ја крунисаме сезоната со Куп трофеј. Ја респектираме екипата на Силекс, која се прошета во Втората лига, и неслучајно се во финале, покажувајќи дека се добра екипа. Ние сме подготвени, имавме добра сезона, можеби најтежок пат до финалето, ги поминавме сите и стигнавме до тука. Кој и да настапи, ќе го даде максимумот, и верувам дека ќе ги израдуваме нашите навивачи и трофејот после долги години да го донесеме во Ѓорче Петров“, изјави Ермедин Адем.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski