Легендарниот Дејвид Бекам го коментираше потенцијалното заминување на еден од најдобрите фудбалери на сите времиња Кристијано Роналдо од Манчестер Јунајтед.
Поранешниот играч на Јунајтед и Реал Мадрид би сакал Роналдо да остане во славниот клуб од „Олд Трафорд“ уште неколку сезони.
„Заедно со Меси, Роналдо е еден од најдобрите играчи во изминатите 15 години. Важно е за навивачите тој да остане во Јунајтед, но мислам дека е важно и за него. Се надевам. Знаеме колку Јунајтед значи за Кристијано. Тој продолжува да го прави тоа што најдобро го знае, создава шанси и постигнува голови. Неверојатно е што успева на негова возраст. Би било убаво да останеме уште една или две сезона“, изјави Дејвид Бекам за „Скај Спортс“.
Тој најавува и дека промени во Манчестер Јунајтед се потребни итно.
„Во Јунајтед се неопходни промени, а промени се случуваат. Навивачите се уште го поддржуваат тимот, такви се. Мислам дека тренерот и играчите во претходната сезона дадоа најдобро што можеа. Малку се екипите кои можат да го распродадат стадионот и покрај сите проблеми кои Јунајтед ги имаше во претходните години“, потенцира Бекам.
Дејвид Бекам во својата кариера има настапувано за Манчестер Јунајтед, Реал Мадрид, Лос Анџелес Галакси, Милан и Пари Сен Жермен.
