Атлетико Мадрид го совлада Реал Мадрид во градското дерби на „Ванда Метрополитано“ со 1-0 и речиси го осигура пласманот во Лигата на шампионите следната сезона. Тимот на Диего Симеоне има шест бода предност пред Бетис на три кола до крајот, на позицијата четири во Ла Лига.
Новиот шампион Реал Мадрид, очекувано, не доби шпалир од големиот ривал, а Атлетико Мадрид доби пенал.
Во 40.минута Јаник Караско погоди од белата точка за голем триумф за Атлетико.
На овој меч, тренерот на „кралевите“, Карло Анчелоти одмори дел од ѕвездите. Карим Бензема остана на клупата, а Лука Модриќ доби шанса во вториот дел.
