Фудбалерите на Вилјареал загубија во полуфиналето на Лигата на шампионите од Ливерпул на својот стадион со резултат 2-3, иако на полувремето водеа со 2-0. Беа блиску до сензација, но на крајот доживеаја елиминација.
По натпреварот тренерот на Вилјареал, Унаи Емери, ги искажа своите впечатоци.
„На полувремето сепак мислев дека ќе ни биде исклучително тешко. Многу, многу тешко. Целта беше да се постигне тој прв гол и да се започне процес за пресврт. Успеавме. Вториот гол навистина ни даде мотив. Знаевме дека поради напорот од првиот дел можема да бидеме казнети во продолжение, но имав играчи на клупата подготвени да скокнат на терен“, изјави Емери.
Тренерот на Вилјареал на првиот меч не можеше да смета на Жерар Морено, а тоа се почувствува и резултатски.
„Ни кажа дека чувствува дека не е во ред, не сакавме да ризикуваме со него на тој прв натпревар, иако сакаше да биде во тимот. Тој беше единствениот кој ни дозволува да влеземе во дуели во близина на нивната одбранбена линија и без него немаше да го направиме ниту ова. Не можеме да бидеме среќни кога вака ќе се изгуби, секако дека си тажен. Сепак, Ливерпул заслужи да игра во финалето бидејќи не одигравме како што треба на „Енфилд“. Таа разлика во играта од првиот и вториот меч беше пресудна“, заклучи тренерот на шпанскиот тим.
