Кевин де Бруин беше стрелец на првиот меч на „Итихад“, а верува дека Манчестер Сити мора да биде на врвно ниво доколку сака да го елиминира Реал Мадрид на утрешниот реванш натпревар од полуфиналето во Лигата на шампионите.
„Граѓаните“ го добија првиот натпревар во Англија со 4-3, а вториот натпревар е утревечер во шпанската престолнина.
„Ако одиграме дури и малку под нашите можности, Реал Мадрид може да го добие натпреварот бидејќи тие се меѓу најдобрите тимови во светот. Имаат неверојатно квалитетни фудбалери. Не смееме да си дозволиме грешка. Ако бидеме на ниво, мислам дека можеме да се пласираме во финалето“, изјави Кевин де Бруин.
