Тренерот на Реал Мадрид, Карло Анчелоти, во ексклузивно интервју за Prime Video изјави дека по ангажманот во овој клуб планира да се пензионира.
„По Реал Мадрид, најверојатно ќе престанам да работам како тренер. Но, не знам колку ќе трае, ако Реал планира да ме задржи уште 10 години, тогаш јас ќе бидам тренер толку долго“, изјави Анчелоти.
Италијанскиот стручњак стана првиот тренер во историјата на фудбалот кој освоил титули во сите пет лиги, во Серија А со Милан, во Премиер – лигата со Челси, во Лига 1 со ПСЖ, во Бундес – лигата со Баерн Минхен и во Ла Лига со Реал Мадрид.
„Како ја гледам мојата иднина? Сакам да бидам со моите внуци и да одам на подолг одмор со сопругата. После тоа, има толку многу работи што би сакал да ги направам и за кои немам време во моментов. Никогаш не сум бил во Австралија или во Рио де Жанеиро. Сега не ја посетувам сестра ми колку што сакам. За жал, не можете да постигнете сè одеднаш, но кога веќе нема да бидам тренер, тоа се работите на кои сакам да се посветам“, изјави италијанскиот стратег.
