Руските фудбалски селекции и клубови ќе бидат суспендирани од натпреварувањата на УЕФА и следната сезона, одлучи Извршниот комитет на Европската фудбалска организација на денешниот состанок.
Претседателот Александар Чеферин најави можност да им се даде „зелено светло“ на Русите за наредниот период, меѓутоа сепак тоа не се оствари.
Фудбалската репрезентација на Русија нема да се натпреварува во Лигата на Нации, а женската репрезентација нема да смее да учествува на Европското првенство што ќе се одржи во јули во Англија.
Не се прифатени и кандидатурите на Русија за домаќинство на ЕП 2028 или на ЕП 2032.
