Италијанскиот репрезентативец Марко Верати е „заморен“ од Франција и сака да се врати во татковината. Тој веќе десет години го носи дресот на ПСЖ, а „монотонијата“ во која се наоѓа клубот и лошата атмосфера што ја создаваат навивачите го наведуваат да размислува за враќање во Италија.
Тој на 20 години од Пескара замина директно во ПСЖ и би сакал на крајот од кариерата да заигра во некој од италијанските гиганти. Јувентус и Милан веднаш се појавија како заинтересирани клубови и можни опции за искусниот централен играч за врска.
Проблем за италијанските гиганти би можеле да бидат големите приходи кои Верати ги има во Париз. Тој заработува нешто повеќе од 9 милиони евра по сезона, што е „невозможна мисија“ дури и за најбогатите во Серија А.
Верати има договор со парижаните до 2024 година, а клубот сигурно не би се откажал од својот одличен играч за врска за помалку од 50 милиони евра.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski