Шкупи ќе игра на својот „Чаир“ во квалификациите за ЛШ

Македонскиот првак Шкупи ќе добие можност да игра на својот стадион Чаир како домаќин на стартот од новата европска авантура. Во првите две квалификациски кола, Шкупи најверојатно ќе може да игра на сопствениот стадион, а потоа, доколку успее да мине во понатамошна фаза, ќе мора да се пресели на Националната арена „Тодор Проески“.

Денеска во инспекција на условите на стадионот Чаир беше претставникот на УЕФА, Данило Филакионе, кој начелно го одобри како домашен терен за Шкупи, иако ќе треба некои работи и да се подобрат пред првиот настап во квалификациите за ЛШ.