Претседателот на ПСЖ, Насер Ал Келаифи, во интервју призна дека неодамна имал многу непријатен разговор со претседателот на Реал, Флорентино Перез. Вербалната пресметка се случила на неодамнешниот натпревар помеѓу Реал и ПСЖ бидејќи Перез се обидел да го убеди ПСЖ да влезе во проектот за Суперлига.
„Разговаравме за време на натпреварот од Лигата на шампионите и јас му одговорив жестоко. Тој рече дека можеме да разговараме за се, но веќе во следниот момент јасно стави до знаење дека не е заинтересиран за сериозни разговори и нормален дијалог меѓу клубовите“ – изјави Ал-Келаифи за Би-Би-Си.
Според него се работи само за три клуба, Реал, Барселона и Јувентус.
„Луѓето во Украина умираат и немаат каде да спијат, а тие бладаат за Суперлигата. Проблемот во фудбалот не е во тоа што нема Супер-лига туку во тоа што клубовите немаат долгорочна финансиска стратегија. Велат дека договорот за Суперлигата е легален, но забораваат дека фудбалот е општествен феномен, а не парче хартија“ – вели претседелот на ПСЖ.
