Претседателот на ФИФА, Џани Инфантино, пред ждребот за Светското првенство во Катар зборуваше за плановите на ФИФА, за идејата за одржувањето на мундијал на секои две години, но и за војната во Украина. Инфантино напомена и дека парите веќе не исчезнуваат од ФИФА, алудирајќи на Сеп Блатер.
„Парите во ФИФА веќе не исчезнуваат. Парите одат таму каде што треба и се е транспарентно. Ако некој верува дека може да ги злоупотреби средствата на ФИФА, мора да знае дека ќе биде фатен и дека ќе мора да го напушти фудбалот. Конгресот на ФИФА побара од раководството на ФИФА, со поддршка од 88 отсто од гласовите, да прави визибилити студија на Светско првенство на ФИФА на секои две години. Сепак, ФИФА, се уште нема ништо предложено. Кога ќе биде официјално, тогаш ќе започнеме разговори, консултации, дискусии, а потоа ќе бараме договори и компромиси“, изјави Инфантино.
Претседателот на ФИФА повика на мир во светотт и повика да се стави крај на сите воени конфликти.
