Фудбалската репрезентација на Македонија не успеа да обезбеди пласман на Светското првенство во Катар, но фудбалерите на Благоја Милевски се бореа до последниот атом од силите за успех против Португалија. Кристијано Роналдо и друштвото беа подобри и победија со 2-0, со двата гола на Бруно Фернандеш.
Претседателот Стево Пендаровски истакна дека фудбалерите се вистински херои.
„Македонска гордост, херои, покажавте големина низ квалификациите за Светското првенство Со пласманот на Европско ја испишавте историјата на македонскиот фудбал. Ве чекаме дома како победници, зашто победивте во идејата да се претставите најдобро. Успеавте да нè сплотите и да нѐ направите горди“, истакна претседателот Стево Пендаровски.
