СОСТАВИ: Елмас и Костадинов во првиот тим, Роналдо ја предводи Португалија

МАКФУДБАЛ во Порто,

Елиф Елмас и Тихомир Костадинов влегоа во стартниот состав на Македонија за финалниот бараж натпревар против Португалија вечерва на стадионот „Драгао“. Тие ги добија местата на Чурлинов и на Николов.

На голот е Столе Димитриевски, нема измени во одбранбената линија, Велковски и Муслиу се стопери, десно е капитенот Стефан Ристовски, а лево Езгјан Алиоски.

Во средниот ред се Барди, Адеми, Костадинов и Елмас, а во нападот Трајковски и Милан Ристовски.

Португалија, очекувано, ја предводи Кристијано Роналдо кој во нападот ќе игра со Диого Жота. Во средниот ред се Бернардо Силва, Бруно Фернандеш, Жоао Мутињо и Отавио.

Одбраната на Португалците е составена од Пепе и Данило, а по страничните позиции се Жоао Кансело и Нуно Мендеш.