Италијанскиот калчолигаш Болоња размислува да му го продолжи договорот на Синиша Михајловиќ на уште една година по најновата информација дека српскиот стратег го очекува нова битка со леукемијата. Раководството на клубот на тој начин сака да му изрази поддршка на својот тренер.
53-годишниот Михајловиќ вчера на прес-конференција потврди дека повторно мора да оди во болница на лекување, откако претходно еднаш ја победи леукемијата по три хемотерапии и пресадување на коскена срж.
Самиот Михајловиќ ќе пропушти дел од следните натпревари на Болоња, а ќе го менува неговиот асистент Мирослав Тањга.
