Ветеранот Џорџо Кјелини влезе во завршницата од дуелот и за негова несреќа, тогаш Македонија го постигна победничкиот гол (0-1) во Палермо. Сепак, мора да се признае дека Италија ја имаше доминацијата. Им недостигаше на „аѕурите“ само реализација.
„Тешко е да се објасни, мислам дека одиграме добар натпревар, а на крајот го доживеавме најголемиот шок. Едноставно, од многу шанси не дадовме гол. Не мислам дека бевме надмени. Направивме грешки од септември до сега и плативме за нив. Горд сум на моите соиграчи, сега мораме да се рестартираме и да мислиме на иднината. Се надевам со истиот селектор, кој даде толку многу за Италија. Не е дека немавме шанси, дури 32 пати шутнавме кон противничкиот гол“, изјави Џорџо Кјелини.
