Угледниот француски весник „Л’Екип“ ја објави листата на најплатените фудбалски тренери во петте најдобри лиги. Листа на најплатени ја предводи тренерот на Атлетико Мадрид, Диего Симеоне, кој заработува 3,3 милиони евра месечно. Во шпанската лига го следат Карло Анчелоти кој има плата од 910.000 евра месечно и тренерот на Атлетик Билбао, Марселињо Гарсија Торал, чија плата е половина милион евра.
Тренерот на Манчестер Сити, Пеп Гвардиола, кој има месечни примања од 1,89 милиони евра, заработува најдобро во англиската Премиер – лига. Јирген Клоп и Антонио Конте имаат 1,5 милион евра месечно.
Најплатен во италијанската Серија А е тренерот на Јувентус, Масимилијано Алегри, кој има плата од 1,17 милиони евра. Жозе Мурињо од Рома добива 770.000 евра месечно, додека платата на Симоне Инзаги е 620.000 евра.
Џулијан Нагелсман, тренерот на Баерн Минхен, ги предводи најплатените тренери во германската Бундес – лига. Секој месец добива по 666.000 евра. Во француската лига најплатен е тренерот на ПСЖ, Маурисио Покетино кој заработува 1,1 милион евра годишно.
