Фудбалската репрезентација на Македонија го одржа првиот тренинг во пресрет на баражот против Италија за Светското првенство во Катар. По подолг период, повик во А-тимот доби Давид Бабунски, кој игра одлично во дресот на Дебрецен во Унгарија, а на последниот меч беше и стрелец на гол.
„Многу сум среќен што сум повторно дел од репрезентацијата, посебно за овој бараж. Свесни сме против кого играме, меѓутоа и максимално мотивирани да докажеме дека Македонија може да игра и против најголемите селекции. Ќе играме со срце и ќе дадеме се од себе за да победиме“, изјави Давид Бабунски на денешниот прв тренинг на нашиот националел тим.
