Актуелниот првак Шкендија славеше рутински триумф (0-2) на гости против Скопје на „Автокоманда“, но и Академија Пандев победи (1-2) против Тиквеш во Кавадарци, па го задржа второто место на табелата.
Пелистер конечно стигна до прв триумф во шампионатот во 24.коло, откако ја совлада Брегалница (2-0), а и Македонија ЃП го победи Борец (0-1) во Велес. Ренова го совлада Работнички со 2-1.
Андре Менсалао постигна убав гол за водство на Шкендија во 11.минута, а Аденис Шала во 64.минута го потврди триумфот на тимот од Тетово.
Академија Пандев стигна до нови три бода трумфирајќи со 1-2 против Тиквеш во Кавадарци. Кристијан Велиновски експресно донесе водство за гостите по само 35 секунди, а израмни Анаел Нгоба во 54.минута. Тиквеш остана без Александар Вареловски во 72.минута поради два жолти картони, а Димитар Митровски донесе триумф за „пандевци“ во 90.минута.
Пелистер ја совлада Брегалница со 2-0 и стигна до прв триумф. Петар Љамчевски погоди за „зелените“ во 24.минута, a Едгар го постави конечниот епилог.
Ренова го совлада Работнички со 2-1. Ремзифаик Селмани беше стрелец на првиот гол за „гипсарите“, а Шефит Шефити во 58.минута реализира пенал. Анес Рушевиќ во завршницата погоди за Работнички.
Македонија ЃП со 0-1 славеше против Борец во Велес. Давид Атанаскоски уште во петтата минута ја погоди мрежата на домашниот тим.
Вчера, Шкупи го совлада тимот на Струга Трим Лум на гости со 1-3.
ПРВА ЛИГА, 24.КОЛО – РЕЗУЛТАТИ
СКОПЈЕ – ШКЕНДИЈА 0-2
РЕНОВА – РАБОТНИЧКИ 2-1
ПЕЛИСТЕР – БРЕГАЛНИЦА 2-0
ТИКВЕШ – АКАДЕМИЈА ПАНДЕВ 1-2
БОРЕЦ – МАКЕДОНИЈА ЃП 0-1
ВЧЕРА: СТРУГА ТРИМ ЛУМ – ШКУПИ 1-3
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski