Струга Трим Лум утре (15 часот) го пречекува Шкупи во воведниот натпревар од 24.коло во Првата фудбалска лига. Домаќините се надеваат дека можат да го изненадат лидерот на табелата, а оптимизмот го потенцира играчот за врска, Бесмир Бојку.
„Сигурно дека ќе биде тежок натпревар, очекуваме силен тест со една од екипите што е во голема форма во нашето првенство. Изминативе денови ги анализиравме нивните силни страни и се надеваме дека успешно ќе ги спречиме и дека на крајот ќе излеземе како победници на натпреварот”, изјави Бесмир Бојку.
Шкупи е првопласиран на табелата со 55 бода, додека Струга ТЛ се наоѓа на осмата позиција со 30 бода.
