Македонскиот прволигаш Македонија ЃП го заокружи престојот во турскиот туристички центар Аланија каде ја реализираше главната фаза од зимските подготовки. „Лавовите“ најмногу од сите македонски тимови останаа на турско тло и се враќаат во Скопје непосредно пред почетокот на пролетниот дел од шампионатот.
Иако последниот тест против Славија беше откажан поради лоши временски услови, сепак, тимот на Муарем Бајрами одработи одлични подготовки и се чини дека максимално подготвен влегува во вториот дел од сезоната.
Македонија ЃП на 13. февруари на домашен терен ќе го пречека Тиквеш во првото пролетно коло.
