Македонскиот прволигаш Тиквеш во пролетниот дел од сезоната ќе биде посилен за дефанзивецот Стефан Костов. По долгата пауза и рехабилитација тој полека се враќа на зелените терени по тешката повреда здобиена на летните подготовки во Охрид.
Стефан Костов тренира со останатите фудбалери на ГФК Тиквеш и во најскоро време се очекува повторно да го облече црвено белиот дрес и да заигра на пријателските натпревари.
Тиквеш се наоѓа на подготовки во Анталија, а на првиот тест во турскиот туристички центар загуби од Партизан со 1-2.
