Дефанзивецот на Шкупи, Абдул Руатубјаје, итно е опериран откако заработи сериозна повреда на левата нога. Тој ја скина тетивата и заврши на операција во клиника во Истанбул.
Интернационалецот од Руанда, кој беше еден од најдобрите фудбалери во есенскиот дел од македонскиот шампионат ќе мора да мине долг процес на рехабилитација пред враќањето на фудбалските терени. Неговото отсуство ќе биде голем проблем и за тренерот Гоце Седлоски претстојната пролет кога тимот ќе треба да ја одбрани позитивата од седум бода на врвот на табелата во Првата лига.
