Најдобриот стрелец во македонскиот шампионат, крилниот напаѓач на Академија Пандев, Мартин Мирчевски, е цел на рускиот прволигаш Сочи. Третопласираната екипа во руското првенство сериозно се загреа за ангажман на фудбалерот кој блесна изминатата есен постигнувајќи 16 гола во првенството на Македонија.
Преговорите се во тек, а Академија Пандев за евентуалниот трансфер би добила и соодветна отштета.
Покрај Сочи, за Мирчевски има интерес и од неколку унгарски клубови, но тој засега и понатаму тренира со тимот на Академија Пандев во Анталија.
