Осман Дембеле и Барселона веќе подолго време се во „воена состојба“, а за се е виновен неговиот агент Муса Сисоко. Тој денеска даде интервју за „Радио Монте Карло, во кое повторно испрати отровни стрели до управата на Барселона.
Сисоко дури се закани и со тужба доколку управата го испрати на трибините до крајот на сезоната.
„Не знаеме што да правиме, но можам да потврдам дека управата на Барселона на овој начин го губи Осман. Знаеме кои се нашите барања, но од самиот почеток бевме отворени за преговори, да не ги затвориме вратите на Барселона. Сепак, тие одбиваат да преговараат, а ни се закануваат дека Дембеле ќе ја помине остатокот од сезоната на трибините доколку не го продолжи договорот. Во тој случај ќе ја тужиме Барселона. Ќе се борам за мојот клиент до крај“, изјави Сисоко.
