Англискиот премиерлигаш Барнли испрати понуда до хрватскиот Динамо Загреб за ангажман на Мислав Оршиќ, но раководството на „модрите“ ја одби понудата.
Барнли гледа потенцијално засилување во 29-годишниот Мислав Оршиќ, кој одигра одлични натпревари во европските купови против Тотенхем и против Вест Хем. Меѓутоа, како што стојат работите, Динамо не е задоволен од висината на понудата.
Хрватските медиуми откриваат дека ова не е првпат да дојде барање од Англија за Оршиќ. Во минатото и ВБА, додека го предводеше Славен Билиќ, испрати конкретна понуда од околу 11 милиони евра, која беше одбиена.
