Проблеми за Баерн: Коронавирусот му донесе на Алфонсо Дејвис воспаление на срцевиот мускул

Фудбалерот на Баерн Минхен, Алфонсо Дејвис, ќе отсуствува од теренот бидејќи има воспаление на срцевиот мускул по инфекција со коронавирус, изјави денеска тренерот Џулијан Нагелсман.

Тренерот на германскиот шампион изјави дека Дејвис ќе отсуствува неколку недели поради миокардитис.

Дијагнозата е поставена на прегледи откако канадскиот фудбалер оваа недела се врати на тренинзите.

Дејвис се врати во тимот во средата по паузата поради коронавирус, а на теренот ќе се врати кога целосно ќе закрепне.