Мино Раиола итно опериран

Еден од најпознатите агенти во светот на фудбалот Мино Раиола итно бил примен во болница во Милано и утрово бил опериран, пренесе „Газета Дело Спорт“.

Сепак, се уште не се знае кои се точно здравствените проблеми на 54-годишниот менаџер.

Негови клиенти се играчи како Златан Ибрахимовиќ, Ерлинг Халанд, Пол Погба и Џанлуиџи Донарума.

Според објава на „Форбс“ од 2020 година, Рајола заработил повеќе од 84 милиони долари од својата работа.