Фудбалерот на Реал Мадрид, Иско Аларкон, на лето ќе се пресели во големиот ривал Барселона. Оваа интересна вест ја пренесува Едуардо Инда, новинар на „Ел Чирингито“.
Иско подолг период е во втор план во „кралскиот клуб“, а тренерот Карло Анчелоти му порача дека може да си пронајде друга средина доколку не сака да седи на клупата за резерви.
Иско подготви „одмазда“ и на лето ќе се пресели на „Камп Ноу“ како слободен агент. Наводно, шпанскиот репрезентативец веќе има постигнато устмен договор со тренерот Чави Хернандез.
