Академија Пандев и Вардар убедливо славеа и ја продолжуваат трката за врвот на табелата, а победи и Шкендија. Шкупи и Струга трим Лум исто така освоија по три бода на домашен терен, за стопроцентен ефект на клубовите кои играат пред своја публика.
Академија Пандев беше најубедлива и со 4-0 ја совлада Македонија ЃП. Љупчо Дориев го отвори резултатот во 35.минута, три минути подоцна Ѓорѓи Стоилов зголеми на 2-0, а Марко Рајковиќ во 63.минута постигна трет гол за домаќинот. Горан Томовски беше стрелец на четвртиот гол за „пандевци“ во 79.минута од мечот.
Вардар го победи Борец со 2-0. Даниел Аврамовски во третата минута со шут од 20 метри стрелаше за водство на „црвено-црните“, а Али Адем во 71.минута го постигна вториот гол за вардарци.
Шкендија конечно проработе под водство на Ернест Ѓока. Шампионот славеше во Тетово против Силекс со 3-0. Хуан Фелипе во 31.минута со фантастично изведен слободен удар донесе предност за Шкендија, а триумфот го потврди Гледи Мици во 57.минута по потврдувањето од Агим Ибраими. Третиот погодок беше автогол на Благојевиќ во 78.
Шкупи со 2-0 го совлада Работнички. Бесар Исени во 36.минута го совлада Шишковски за водство на тимот од Чаир, а Сержињо во 75.минута го потбрди триумфот.
Струга Трим Лум минимално ја победи Ренова со 1-0. Стрелец на победничкиот гол за стружани беше дефанзивецот Христијан Драгарски во 53.минута.
ПРВА ЛИГА, 11.КОЛО – РЕЗУЛТАТИ
АКАДЕМИЈА ПАНДЕВ – МАКЕДОНИЈА ЃП 4-0
ВАРДАР – БОРЕЦ 2-0
ШКЕНДИЈА – СИЛЕКС 3-0
ШКУПИ – РАБОТНИЧКИ 2-0
СТРУГА ТРИМ ЛУМ – РЕНОВА 1-0
Табела: Академија Пандев 24, Вардар 24, Шкупи 16, Македонија ЃП 16, Шкендија 14, Струга ТЛ 14, Ренова 13, Силекс 12, Борец 11, Работнички 10.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski