Ливерпул побарал одложување на куп-натпреварот против Арсенал

Ливерпул упатил официјално барање до ФА на Англија да го одложи утрешниот полуфинален меч од Лига Купот против Арсенал. Причината за ова е големиот број на заразени со коронавирус во тимот од „Енфилд Роуд“.

„Црвените“ го откажаа вчерашниот тренинг, а и од претходно имаа заразени во Матип, Алисон, Фирмино и менаџерот Јирген Клоп. Сега ситуацијата е уште полоша.

Кадровските проблеми се поголеми и поради тоа што Мане, Салах и Кеита отпатуваа на Африканскиот Куп на нации.