Тој е движечката сила на Академија Пандев. Кога е расположен за игра, противничките одбрани имаат многу мака. Така беше и на дуелот со Македонија Ѓорче Петров минатото коло, Академија Пандев победи убдедливо со 4-0 на стадионот „Младост“ во Струмица, а Дориев беше двигател на триумфот. Го постигна првиот гол, беше перманентна опасност по голот на „лавовите“, креираше шанси за соиграчите.
Одличната игра на Дориев му го донесе епитетот најдобар играч за 11.коло во Првата фудбалска лига во изборот на МАКФУДБАЛ.
