Осман Дембеле пред четири години пристигна на „Камп Ноу“ од Борусија Дортмунд во трансфер вреден 135 милиони евра. Тоа беше најголемиот трансфер во историјата на Барселона, а сега 24-годишниот Французин е на чекор од бесплатно заминување од клубот.
Иако многумина ќе кажат дека Дембеле, со оглед на висината на трансферот, е можеби најголемото разочарување во историјата на Барселона, сепак каталонскиот клуб сака да го задржи. Договорот на Дембеле истекува на 30 јуни, што значи дека тој може да си оди бесплатно на лето.
Барса сака да го продолжи договорот со Французинот и му го даде последниот ултиматум. Дембеле упорно одбива да го потпише новиот договор бидејќи не се согласува со намалените примања кои клубот ги стави пред сите играчи поради обврската да ги намали трошоците.
Првичниот договор беше агентот на играчот и членовите на бордот на Барса да се сретнат в понеделник, но, сепак, тоа нема да се случи. Барселона бара итен одговор на понудата од Дембеле. Доколку одбие, клубот веднаш ќе го продаде, а со тоа ќе се отвори можност за да се регистрира новото
