Лидерот на табелата во Ла Лига, тимот на Реал Мадрид, на лош начин ја стартуваше 2022 година. „Кралевите“ загубија на гостувањето кај Хетафе со 1-0. Тимот на Карло Анчелоти не одигра на потребното ниво и на крајот остана без бодовите.
Енес Унал во деветтата минута успеа да ја затресе мрежата на Куртоа, откако ја искористи грешката на Милитао. До крајот, Реал Мадрид не успеа да постигне погодок.
Реал е лидер со 46 бода, осум повеќе од Севилја која има одиграно и два натпревари помалку.
