Ѕвездата на Вулверхемптон, Адама Траоре, е една од приоритетните цели на Тотенхем во зимскиот преоден рок. Шпанскиот репрезентативец и минатото лето се поврзуваше со можен трансфер во клубот од Лондон, а сега повторно преговорите се интензивираат.
Тренерот Антонио Конте и директорот Фабио Паратичи работат на можноста да го доведат Траоре во Тотенхем. Тој има уште 18 месеци од актуелниот договор со „волците“, а преговорите за продолжување на соработката се одолговлекуваат од минатата година.
Тотенхем е подготвен да понуди 30 милиони фунти за брзиот и робусен крилен напаѓач.
