Барселона има огромни проблеми со Ковид-19, повреди и суспензии пред денешното гостување против Мајорка во Ла Лига. Тренерот Чави Хернандез мораше да се снаоѓа и се сврти кон Б-тимот на Барселона од каде повика деветмина фудбалери.
Чави мораше да се справи со голем број отсуства за овој натпревар, вклучувајќи ги Сержино Дест, Филипе Кутињо, Жорди Алба, Алехандро Балде, Абде Езалзули, Осман Дембеле, Гави и Дани Алвеш.
Дефанзивците Самуел Умтити и Клемен Ленгле се вратија во конкуренција откако беа негативни на вчерашното тестирање за Ковид-19.
Покрај ова, има и проблеми со повреди. Ансу Фати, Педри, Мемфис Депај, Мартин Брајтвајт и Серхи Роберто се повредени, а Серхио Бускетс е суспендиран.
