Натпреварот од Премиер – лигата меѓу Лестер и Норич, кој требаше да се одигра в сабота, е одложен на барање на гостите кои немаат доволен број играчи на располагање поради коронавирусот и повреди.
„По барањето на Норвич, се состана Управниот одбор на Премиер – лигата и, за жал, се согласи да го одложи натпреварот. Прифатено е барањето на Норич бидејќи нема доволно играчи на располагање поради многу случаи на коронавирус и повреди“, соопштија од Премиер – лигата.
Ова е втор одложен натпревар за Норич, а трет за Лестер.
Норич ги загуби последните пет натпревари во Премиер – лигата без постигнат гол и се наоѓа на дното на табелата.
