Фудбалскиот клуб Барселона соопшти дека уште тројца фудбалери се позитивни на коронавирус. Со тоа бројката на заболени на „Камп Ноу“ се искачи на десетмина.
Откако вчера беа позитивни Осман Дембеле, Гави и Самуел Умтити, тренерот Чави Хернандез остана со 16 играчи на располагање пред пресметката со Мајорка. Сепак, денеска пристигнаа нови лоши вести во вид на позитивни тестови за Ковид-19.
Имено, инфекцијата ја заработија и Фелипе Кутињо, Сержињо Дест и Абде, кои се приклучија на пртетходните седум и нема да можат да му помогнат на својот тим на овој натпревар.
Чави сега има на располагање 13 фудбалери, од кои тројца голмани, Тер-Штеген, Нето и Пења.
Следниот натпревар на Барселона е в недела против Мајорка и не е исклучено мечот да биде одложен.
