Фудбалската репрезентација најуспешен тим за 2021 во изборот на АМС

Фудбалската репрезентација на Македонија е прогласена за најуспешен национален тим во машка конкуренција за 2021 година, во изборот на Агенцијата за млади и спорт. Фудбалерите во годината што изминува се запишаа во историјата со настапот на Европското првенство, а во квалификациите за пласман на Светското првенство го освоија второто место во групата и се изборија за бараж. Полуфиналната пресметка е закажана за 24 март идната година на гости кај актуелниот европски првак Италија.

Агенцијата за млади и спорт ги додели наградите за најдобрите во македонскиот спорт во 2021 година. Лауреати се теквондистот Дејан Георгиевски и бодибилдерката Мери Акиевска.