Младиот австриски напаѓач Јусуф Демир во јануари ќе ја напушти Барселона и ќе се пресели во Бундес – лигата. За него се заинтересирани Борусија Дортмунд и Лајпциг.
Јусуф Демир е „жртва“ на финансиската криза во Барселона и клаузулата што се крие во неговиот договор. Тој дојде од Рапид Виена како позајмен фудбалер на „Камп Ноу“ и досега одигра девет натпревари. И потоа следеше ембарго од каталонскиот клуб, затоа што следниот настап ќе ја активираше и клаузулата според која Барселона мора да го откупи крилниот напаѓач за сума од 10 милиони евра.
Во моментов тинејџерот има одиграно 9 меча во сите натпреварувања за Барса, но поради финансиската ситуација клубот одлучи да не го откупува и да се раздели во јануари.
