Шпанскиот прволигаш Леванте е најновиот клуб кој се бори со коронавирусот. Пет позитивни случаи се појавиле на најновото тестирање. Според шпанските медиуми, станува збор за тројца фудбалери и две лица од помошниот персонал во тимот.
Леванте не ги откри имињата, но потенцираше дека сите се веќе испратени во домашна изолација.
Македонскиот репрезентативец Енис Барди го прележа коронавирусот во мај, непосредно пред почетокот на Европското првенство, кога беше во карантин при собирот на националниот тим на подготовките за големото натпреварување.
